Mbrojtja kërkon të pushojnë hetimet në rastin e Lutfi Hazirit

Gjilan – Avokati mbrojtës Shemsedin pira tha për rajonipress se ka bërë kërkesë për të hedhur poshtë aktakuzën dhe për të pushuar hetimet sepse aktakuza është e paqëndrueshme dhe e pathemeltë.

Shemsedin Pira avokat mbrojtës i Lutfi Hazirit ka bërë kërkesë zyrtare tek trupi gjykues që po kryesohet nga Afrim Shala për të hedhur poshtë aktakuzën dhe për të pushuar hetimet ndaj kreut të Gjilanit Lutfi Haziri, me arsyetimin se aktakuza është e paqëndrueshme dhe e pathemeltë raporton rajonipress.

Avokati Pira tha se në aktakuzën e Lutfi Hazirit nuk ka as lëshime administrative e mos të flasim për elemente të veprës penale.

Sipas tij duke u bazuar në kontratën bazë thuhet se palët kanë të drejtë të ndryshojnë me aneks kontratë dhe kjo është bërë sipas ligjit dhe konform rregullave. “Unë mendoj se aktakuza është e pabazuar në prova relevante dhe shpresojë se e drejta do të triumfojë dhe do të bjerë në vendin e vet”.

Ndryshe sipas aktakuzës, Lutfi Haziri dyshohet se ka kryer veprën penale, keqpërdorimi i pozitës apo autoritet zyrtar. Vet Haziri ka mohuar veprat në seancën e parë gjyqësore që u zhvillua ditë më parë në Gjykatën Themelore të Gjilanit./rajonipress/