Mbreti i tenisit fiton Wimbledonen, rikthehet në nr. 1 në botë

Londër – Mbreti i tenisit në dekadën e fundit, Roger Federer arriti sot pasdreke të fitojë për të shtatën herë titullin e kampionit në turneun më prestigjioz në botë, atë Wimbledone në kryeqytetin britanik.

Në finalen e mundimshme, tenisti zviceran ia doli të mposhtë tenistin vendës, Andy Murrey me 3:1 në sete (4:6, 7:5, 6:3 dhe 6:4) dhe me këtë fitore që nga nesër rikthehet në tenistin nr. 1 në botë sipas pikëve të fituara në ATP listë, që e pati humbur më 24 maj të vitit të kaluar, kur së pari Nadal, kurse nga fundi i vitit edhe Novak Gjokoviq e tejkaluan.

Britanikët kanë shpresuar shumë që pas gati tetë dekadash një tenist i tyre të fitojë turneun në Wimbldone, por edhe kësaj radhe mbetën pa titull. Skocezi Murrej megjithëkëtë ëshë akoma i ri në moshë dhe ka gjasa që në dy-tere vjetët e ardhshëm ta fitojë këtë turne shumë të rëndësishëm për britanikët.

Me fitoren e shtatë në Wimbledone, Federer barazoi rekordin e Pitt Samprasit, por me mundësi që ta thyejë edhe këtë rekord. Një rekord tjetër të Samprasit, tenisit zviceran e shënoi duke fituar grand slamin e madh për të 17 herë. Ndërsa rekordin e tenistit amerikan, i cili ka qenë për 286 javë në krye të tenisit botëror, Federer e theu me rikthimin në nr. 1 në botë.

Zaten, edhe Sampras dje u shpreh se i vjen mirë që rekordet e tij i thyen pikërisht Federeri, të cilin e çmon lartë dhe e konsideron tenistin më të mirë botëror dhe që mund të dominojë edhe në disa vite të ardhshme. Federer tashti është 30-vjeçar.