Mbrëmje gala për Majlinda Kelmendin në Zvicër

Mbrëmja mbahet të premtën më 13 dhjetor, nga ora 21, në “Villa Miami”, Glatthofstrasse 3, 8152 Glattbrugg.

Për kampionen e botës në xhudo, Majlinda Kelmendi, do të organizohet të premten një mbrëmje gala në Glatbrugg të Cyrihut. Xhudistja kosovare me trajnerin Driton Kuka do të takohet me mërgimtarët në “Villa Miami”, Glatthofstrasse 3, 8152 Glattbrugg.

Përveç që kjo mbrëmje do t’i kushtohet suksesit të Majlindës, sipas organizatorit do të shfrytëzohet mundësia të ftohen sponsorët që t’i ndihmojnë në të ardhmen sportistës kosovare.

Programi i kësaj mbrëmje gala fillon prej orës 22.00 , bën të ditur organizatori i kësaj mbrëmje, Xhevat Sadrija, përfaqësues i firmës „Zoeb GmbH“, njëherësh sponsor kryesor në Zvicër i Majlinda Kelmendit./albinfo/