Mavraj u kërkon falje tifozëve

Mërgim Mavraj ka kërkuar pajtim me tifozët e skuadrës së tij, Greuther Furth. Siç dihet, tifozët gjermanë e kishin turpëruar me brohoritje skuadrën e tyre, pas humbjes që e pësoi në fundjavën e kaluar nga Hoffenheim (3:0). Ndërsa, mbrojtësi kosovar i kishte kritikuar ato sjellje të tifozëve të ekipit të tij.

Me këtë rast, edhe tifozët kishin reaguar ashpër ndaj kritikave të reprezentuesit të Shqipërisë. Por, Mavraj u ka kërkuar falje tifozëve, që ishin prek nga deklaratat e tij.

“Unë dua t’u kërkoj falje tifozëve të skuadrës sime, të cilët ishin janë ndje të ofenduar nga deklaratat e mia. Zgjedhja e fjalëve nga ana ime ishte e gabuar dhe tifozët nuk e kanë merituar atë. Andaj, unë u kërkoj falje”, ka thënë Mavraj për tabloidi gjerman, Bild.

“Unë u jam krenar me klubin dhe tifozët e mi. Bashkërisht kemi pas suksese të mëdha në edicionin e kaluar. Unë nuk kam dashur t’i lëndoj ata, sinqerisht. Por, tash edhe nëse më fishkëllejnë ata, unë nuk do të reagoj”, ka theksuar ai.