Mavraj drejt Hoffenheimit
RajoniPress
08:21, 7 Qershor, 2013
Qendërmbrojtësi i Kombëtares së Shqipërisë, Mërgim Mavraj është drejtë largimit nga skuadra e tij Gruether Furth, pas rënies nga Bundesliga.
Lojtari 26-vjeçar pas paraqitjeve të mira si me fanellën e Shqipërisë, ashtu edhe me atë të skuadrës së tij Gruether Furth, ka rënë në syrin e shumë skuadrave gjermane dhe atyre italiane.
Për mbrojtësin interesim të madh kanë shprehur skuadrat: Mainz, Stuttgart, Hoffenheim dhe Lazio, ndërsa ajo që dukët më së afërmi është Hoffenheim.
Sipas mediave gjermane, Hoffenheim ka bërë ofertë për mbrojtësin shqiptar dhe pritet që ta zyrtarizojë atë në ditët në vijim.
