Matoshi: Renovimi i objektit të Çerdhes “Filizat” ishte i domosdoshëm

Kamenicë – Nënkryetari i Kamenicës Fatmir Matoshi, ditë më parë i ka drejtuar një kërkesë MAPL-së për mbështetje financiare për renovimin e objektit të çerdhes “Filizat” në Kamenicë dhe kjo kërkesë është aprovuar nga komisioni i MAPL-së.

“Renovimi i çerdhes ka qenë nevojë e patjetersueshme për shkak të kushteve aspak të mira që i kanë fëmijët në këtë institucion. Aty banjot janë plotësisht të dëmtuara dhe poashtu edhe dritaret e objektit janë në gjendje të keqe, prandaj kërkesa ka qenë shumë e arsyeshme dhe i jam falënderues MAPL-së që e ka mbështetur këtë projekt” ka thënë Matoshi.

Sipas tij, ky renovim pritet të bëhet gjatë një muaji pushim që ka Institucioni Parashkollor “Filizat” gjatë kësaj vere. “Të hënën, kryetari është ftuar të nënshkruaj marrëveshjen me MAPL-në dhe menjëherë mund të fillojnë procedurat e prokurimit, pres që ky renovim të kryhet gjatë verës, dhe fëmijët të fillojnë vitin e ri shkollor në objekte të renovuara” ka thënë Matoshi.

Projekti i renovimit parashihet të kushtojë rreth 27.000 mijë euro dhe do të financohet në tërësi nga MAPL-ja. /rajonipress/