Matoshi motivon bizneset e reja

Kamenicë – Fatmir Matoshi nënkryetar i komunës së Kamenicës ka vizituar plantacionin e Selver Pirevës i cili nga një tokë djerrinë ka arritur të bëjë një plantacion me lajthi e arra.

“Në fillimin e vitit 2016, Selver Pireva, u kthye në Tygjec, për të filluar biznesin e tij me mjedra, bletari dhe punë të tjera. Në mars 2016 e vizitova dhe rruga deri te plantacionini tij ishte shumë e dëmtuar dhe pothuajse e pakalueshme. Me vullnetin e tij Selveri punoj në ato kushte dhe puna ju shpërblye. Sivjet ai përfitoi një donacion nga Ressi, për Lajthi edhe Arra. Jam i lumtur që sot nga komuna arritëm të intervenojmë dhe rregullojmë rrugën e tij. Me angazhimin e të gjithëve kësaj pjese mund t’ia kthejmë jetën dhe gjallërinë” ka shkruar Matoshi./rajonipress/