Matoshi: Mos luani me ndjenjat dhe dinjitetin e banorëve të Karaqevës, ju deputet e politikanë

Kamenicë – Tepër irrituese dhe fyese për banorët e Kamenicës në përgjithësi e ata të Karaqevës në veçanti, tentimet që përmes popullizmave me lujtë me ndjenjat dhe dinjitetin e banorëve nga deputet e politikanë që ishin për drekë ose kafe në restoranin pranë kufirit, dhe meqenëse ishin aty e shkrepën edhe ndonjë foto për me ja ba me dije Serbisë se veç nuk kanë qëllu atypari se ndryshe ish nda policia serbe me ta ka ironizuar Fatmir Matoshi.

“Kosova nuk e ka të kryer demarkacionin me Serbinë. Përgjegjësinë për kufirin e ka NATO përmes KFOR-it, ne këtë rast sipas marrëveshjes së Kumanovës. Hyrje të forcave serbe kanë ndodhur edhe në secilën qeveri tjetër, përfshirë edhe këto dy të fundit. Kjo temë duhet të flitet me NATO-n, BE-në e SHBA-të dhe të përdoret si argument kundër Serbisë. Qytetarët e asaj pjese kanë nevojë për siguri e qetësi, këtë mundet në këtë rast t’ua garantoj vetë KFOR-i. Leni foret me popull e leni popullizmat” ka shkruar Fatmir Matoshi./rajonipress/