Masakra serbe në xhaminë e Pozharanit

N’ fillim t’ vitit Dyzet e Pesë, Xhelatxhinjët e pa besë,
Mu në datë të 7 Janarit – Banë masakër n’ tokë t’ shqiptarit !

Këta kasapët e serbijanit –
Mësynë xhaminë e Pozharanit !
N’ vend se ta festojnë “Bozhiqin” –
Me masakër këtë tokë ta fëlliqin !

N’ këtë masakër të paparë –
I tubuan 200 shqiptarë ,
I dërmuan me dajak ,
Shumë nga plagët u curruan n’ gjak !

Në këtë rrahje pa asnjë shkas –
Vdiqën 4 pozharanas !
Ma të zgjedhurit e Pozharanit –
I dërguan në Burg t’ Gjilanit !…

Prej shumë burrave që i kanë marrë –
17 s’ janë kthye të gjallë !
Kështu pa gjurmë vrisnin shqiptarët –
Nuk iu dihen kurrë as varret !…

Këtë brutalitet të paparë ,
Kundër fqinjëve t’ tyre shqiptarë –
E bënë serbët ardhacak ,
Për t’i larë shqiptarët me gjak !

Në këtë plojë mbi pozharanas –
Ndihmuan sllavët maqedonas !
Brigada e XVII- të partizane –
Mbi shqiptarët e kësaj ane !

Kjo masakër e Pozharanit –
Trishtoi rrethin e Gjilanit !
Anamoravë e Karadak –
Pozharani u la me gjak !

Tregojnë njerëzit dëshmitarë –
N’ Pozharan, serbët kanë ardhë ,
I kanë marrë 200 shqiptarë ,
I kanë lidhur me litarë !…

I kanë lidhë me litarë t’ shkreta –
Dorë për dore nga katër veta !
Djem të ri, burra e pleq –
Prej 17 der’ n’ 70 vjeç !…

N’ xhami t’ fshatit i kanë dërgua –
I kanë rrahë e torturua !…
Kështu banë forcat ardhacake –
Tmerr e rrahje shtazarake !…

Prinë n’ këto krime për “Bozhiq” –
Vukashin Kovaqeviq ,
Lluka Vlladushiq , Millan Jariq,
Dhe Çedomir Andrijasheviq …

Nga të rrahurat e maltretimit –
Britmat, gjëmat e rënkimit …
Vajet , krismat e dajakit –
Jehuan larg prej xhamisë s’ fshatit !

Për trishtimet në xhami që pati –
Ata i qanin i gjithë fshati !…
Që nuk mundeshin n’ ndihmë me iu shkua –
Njerëzve t’ vet me iu ndihmua !

Nga xhelatët me i shpëtua –
Për pa i mbytë e torturua !…
Shumë do burra prej Pozharanit –
Na i mbytën n’ Burg t’ Gjilanit !

Me dajak dhe shumë tortura ,
N’ xhami t’ fshatit janë mbytë këta burra :
Shaban Alidema prej dorës s’ serbijanit –
Ishte Kryetar i Komunës s’ Pozharanit !…

Misin Alidema , Ajet Fejzë Tërziqi ,
Që i masakruan mu për festë “Bozhiqi” !
Ahmet Mustafë Zuka , t’ cilët varret i kanë –
Në oborr t’ xhamisë n’ fshatin Pozharan !

24 burra që i zgjodhën Pozharanit –
Nuk u kthyen t’ gjallë nga Burgu i Gjilanit !
I mbytën , i poqën për s’ gjalli nëpër furra –
S’ dihet ku i varrosën serbët ata burra ?!

Këtë këngë elegjie po e përfundojmë –
Pozharanasit viktima po i përkujtojmë !
Nëpër vende t’ ndryshme janë ekzekutua –
Nga serbët kolonista t’ gjithë janë masakrua !…

Osman Alidema, Shefki Alidema ,
Ali Alidema, Tefik Alidema,
Osman Alidema, Adem Alidema,
Behxhet Alidema, Jonuz Alidema …
Misin Alidema e Shaban Haliti ,
Ali Tafë Ramiqi e Rifat Tërziqi ,
Ishte Latif Pira e Abaz Ramiqi ,
Ishte ai Sylë Syla dhe Bajram Tërziqi …
Ish Rexhep Qerkezi, Ajet Fejzë Tërziqi ,
Rexhep Ostërgllava, Tahir Dragobuzhda ,
Ahmet Mustafë Zuka edhe Isak Zuka –
Do t’ kujtohen prore, porsi Oso Kuka !

Gjilan, më 08.01.2016. Demir Krasniqi