Martirët e harruar të fshatit Zhegër!

Nga Bajram Isufi – Njëzet vite pas luftës dhe dymbëdhjetë vite pavarësi, institucionet komunale dhe ato qendrore të Kosovës dështuan sepse ende nuk e rregulluan memorialin e martirëve të Zhegrës, që dhanë më të shtrenjtën jetën për lirin që po gëzojmë sot.

Familjarët e martirëve dhe banorët e Zhegrës ndjehen keq dhe janë të mllefosur me institucionet të cilët kanë lën anash idenë për memorialin e martirëve në të gjitha periudhat nga 1912 e deri 1999. Vepra e tyre është shumë më e madhe se çdo kompleksë që mundë të ndërtohet, sepse u kemi borxh jo vetëm të rënëve, por edhe brezave që ajo vepër të prezantohet në të gjitha dimensionet e saj përmes një kompleksi përmbajtësor memoriesh.

Shpresojmë që institucionet nga niveli komunal e ai qendror të marrin hapa konkret në realizimin e memorialit për martiret e Zhegrës sepse e kanë obligim, falë martirëve dëshmorëve të kombit dhe faktorit ndërkombëtar gëzojmë lirin dhe këto ditë festojmë edhe pavarësinë e Kosovës./rajonipress/