KKGJILAN

Marquez vuan nga Alzheimer

/ 1 minutë lexim

“Gabo nuk i njeh më as miqtë më të afërt”, pohon miku i tij, Plinio Apuleyo Mendoza për gazetën ‘The Huffington Post’, derisa shprehet i shqetësuar ngase nëna dhe vëllezërit e Gabriel Garcia Marquez vdiqën nga sëmundja e Alzheimerit.

Këtë gjë, pak e shumë, e konfirmon për ditoren kiliane ‘La Tercera’ edhe biografi i tij zyrtar, Dasso Saldivar.

“Garcia nuk do të mund ta përfundojë pjesën e dytë të autobiografisë së tij ‘Vivir Para Contarla’”, shprehet ai.

Uji Dea

Dy vjet më parë, e njëjta gazetë botoi intervistën me agjenten letrare të Marquez, Carmen Balcells, sipas së cilës “Marquez nuk do të shkruajë më kurrë”.

Deri më tani familja e shkrimtarit as s’i ka konfirmuar e as përgënjeshtruar zërat për gjendjen shëndetësore të Marquez, i cili i mbijetoi një tumori në sistemin linfatik, që i është diagnostikuar më 1999.

Ndryshe, maj të këtij viti, autori i “Njëqind Vjet Vetmi” ishte viktimë e një shakaje të hidhur në Twitter, kur dikush në emër të ‘Umberto Ecos’ njoftoi për vdekjen e tij.