RCCOLA

Mark Wahlberg kthehet në shkollë të mesme

/ 2 minuta lexim

Massachusetts – Shkollën e mesme nuk e ka përfunduar për shkak të sjelljeve të pahijshme gjatë ditëve të adoleshencës. Planifikon që ta kryejë maturën në saje të një programi të ri ‘online’ në Massachusetts.

Aktori në fund të qershorit rikthehet në shkollë të mesme në saje të një program të ri ‘online’. Planet e tij 41-vjeçari Mark Wahlberg i ka bërë publike të hënën në mbrëmje gjatë shfaqjes në emisionin e David Letterman.

“Jam regjistruar në programin e Massachusetts, ku mësimi zhvillohet nëpërmjet internetit. Unë duhet që të marr pjesë në të gjitha lëndët që kam humbur dhe për këtë jam pak nervoz” tha aktori, i cili shpreson të maturojë brenda gjashtë deri në tetë muaj.

KKGJILAN

Aktori nuk ka mbaruar shkollën e mesme për shkak të sjelljeve problematike gjatë ditëve të adoleshencës.

Po ashtu ai zbuloi se në moshën 16-vjeçare humbi vendin e tij në bendin e meshkujve “New Kids On The Block” të vëllait të tij të vjetër, Donnie, sepse ai është dashur të kalonte 45 ditë në shtëpinë korrektuese për shkak të rrahjes së një njeriu.

“Kam qëndruar në burg dhe i shikoja ata në televizor se si po fitojnë miliona,” tha me shaka aktori.