Maliqi: Alban Hyseni ka devijuar nga planifikimi buxhetor i miratuar nga gjithë këshilltarët komunal në vitin 2024

Gjilan – Nga ngutia për të bërë projekte në 3D e jo të bazuar në kërkesat dhe nevojat e qytetarëve kryetari Hyseni ka devijuar nga planifikimi buxhetor i miratuar nga gjithë këshilltarët komunal në vitin 2024 thotë Latif Maliqi asambleist nga LDK-ja.

Maliqi tha për rajonipress se LDK është parti institucionaliste dhe botërisht dihet që nuk është bllokuese, por buxheti komunal është i gjithë qytetarëve të Gjilanit pa marrë parasysh subjektin politik që e udhëheq komunën dhe atyre qytetarëve që nuk kanë votuar për këtë qeverisje.

“Po mund të thuhet se nga ngutia për të bërë projekte në 3D e jo të bazuar në kërkesat dhe nevojat e qytetarëve kryetari Hyseni ka devijuar nga planifikimi buxhetor i miratuar nga gjithë këshilltarët komunal në vitin 2024. Ku mosmenaxhimi i duhur dhe konkret me buxhetin komunal në vitet paraprake 2022, 23 një shumë e madhe e mjeteve prej 2.5 milionë nuk ka mundur të përdoret-investohet në vitin 2023 dhe kërkohet të bartet në 2024 që koha e duhur ishte më së largu maji-qershori i 2024. Deri në fund vit i kemi edhe 3 muaj e gjysmë, që edhe nëse do të ndodhë votimi në kuvend nuk do të ketë kohë të mjaftueshme për t`i realizuar kërkesat e qytetarëve në përmirësimin e infrastrukturës publike. Dhe pra ky mund të konsiderohet një vit i humbur sa i përket plotësimit, përmirësimit të nevojave dhe kërkesave të qytetarëve” tha Maliqi./rajonipres/