Fidanishtja

Makolli-Çekut: Jep dorëheqje, MFSK është e jona

/ 2 minuta lexim

Sekretari i AKR-së, njëherësh Ministri i Diasporës, Ibrahim Makolli i ka bërë thirrje Ministrit të Forcës së Sigurisë së Kosovës (MFSK), Agim Çeku që të lirojë pozitën e ministrit, pasi që ky i fundit dha dorëheqje nga PSDK, për t’iu bashkua PDK-së.

“Siç e dini pozita e Ministrit të Forcës së Sigurisë i ka takuar Koalicionit për Kosovën e Re, dhe tash pas krijimit të rrethanave të reja ku Çeku dëshiron t’i bashkohet PDK-së, ai duhet ta lirojë këtë pozitë dhe normal në këtë ministri duhet të emërohet një person nga ky koalicion”, është shprehur Makolli.

Ai ka thënë se Çeku nuk e ka njoftuar AKR-në si partnere të koalicionit për kalimin që do të bëjë në PDK.

“Me sa e dijë unë Çeku nuk na ka njoftuar se do të kaloi në PDK”, është shprehur Makolli.

Uji Dea

Ai ka thënë se këto ngjarje do t’i diskutojnë me partnerin e koalicionit PDK-në.

“Ne do ti bisedojmë këto gjëra me PDK-në, mirëpo kryeministri Thaçi tashmë nuk ndodhet në Kosovë dhe pas kthimit të tij ne do ta shqyrtojmë pozicionin e koalicionit”, ka pohuar Makolli.

Ndryshe, Agim Çeku mbrëmë ka dhënë dorëheqje nga pozita e kryetarit të PSDK-së, për t’iu bashkua PDK-së. (ORAinfo)