LVV: Keq – qeverisja Haliti gjithnjë e më shumë po dëshmohet

Viti – Lëvizja VV, Qendra Viti, radhazi ka shprehur shqetësimin për zgjidhjen e udhëkryqit problematik, ku kanë ndodhur aksidente të shumta. Pavarësisht kësaj, kryetari Haliti vazhdon të heshtë, duke mos e trajtuar këtë problem seriozisht.

Aksidentet që po ndodhin edhe sot, e mund të përfundojnë me fatalitet deri në marrjen e jetës së qytetarëve të Vitisë, kjo gjë nuk e shqetëson dhe nuk ua prishë rehatinë qeverisjes Haliti, madje ky i fundit vazhdon të mashtrojë qytetarët, e sidomos në kohë të fushatës parazgjedhore, për qeverisjen e tij “briliante”, e kjo gjë sot dëshmon më së miri aftësinë e tij rreth keq-qeverisjes, siç është rasti në fjalë, udhëkryqi problematik Viti-Pozheran.

Ne si Lëvizje, urojmë që aksidenti i sotëm të mos ketë persona të lënduar, e ky të jetë aksidenti i fundit në këtë udhëkryq problematik thuhet në reagimin e këtij subjekti politik./rajonipress/