Lutfi Haziri konfirmon: Arsimi mbetet prioriteti i parë i qeverisjes

Gjilan – Në prag të fillimit të vitit shkollor 2017/2018, kryetari i Komunës së Gjilanit, Lutfi Haziri, ka takuar sot drejtorët e shkollave fillore dhe të mesme të Gjilanit, duke rikonfirmuar se arsimi mbetet prioriteti i parë i qeverisjes komunale.

Pasi ka vizituar shkollat e Gjilanit, Haziri është ndarë i kënaqur me përgatitjet që janë bërë për fillimin e vitit shkollor.

“Edhe në këto momente që po flasim jemi duke i bërë disa renovime nëpër shkolla dhe besoj shumë që më 4 shtator gjithçka është gati për fillimin e vitit shkollor. Po e rikonfirmoj se arsimi mbetet prioriteti i parë i qeverisjes komunale, jo vetëm sa i përket mirëmbajtjes së shkollave, por edhe i investimeve kapitale që do t’i vazhdojmë t’i bëjmë”, ka thënë Haziri.

“Unë ju falënderoj të gjithë për punën e madhe që keni bërë, për të pasur rend, rregull dhe disiplinë në shkollat tona. Dëshiroj t’ju konfirmoj se në vitin e ardhshëm do të nis ndërtimi i shkollës në afërsi të Tregut të Gjelbërt, sikurse ndërtimi i çerdhes në lagjen “Arbëria”. Ndërkaq, së shpejti do të nis punën çerdhja më moderne në “Dardani”. Ju uroj një vit të mbarë të gjithëve”, ka shtuar kreu i Gjilanit.

Ndërkaq, drejtoresha e Arsimit, Shqipe Kastrati Haziri, ka falënderuar kryetarin Haziri për mbështetjen dhe përkushtimin që i ka dhënë sektorit të arsimit. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).