Lutfi Haziri: Do ta ndërtojmë “Parkun e Paqes” midis Malishevës dhe Gjilanit, i cili i kushtohet dëshmorëve prej Luftës së Parë Botërore

Gjilan – Malisheva, Malisheva e Epërme, Capari dhe Uglari, me anë të një tubimi madhështor i kanë bërë konak njeriut i cili u rikonfirmua në mënyrë plebishitare për kryetar i Gjilanit më 22 tetor, Lutës së Gjilanit.

Banorët e atjeshëm thanë se përkrahja për Lutfi Hazirin e LDK’së më 19 nëntor do të jetë dyfish më e madhe.
Fjalë falënderimi për mbështetjen e fuqishme ka shprehur kreu aktual dhe kandidati edhe për një mandat qeverisës me Gjilanin, Lutfi Haziri.

“Skam dilemë se më 19 nëntor ju do ta rikonfirmoni rezultatin e bardhë për partinë e Ibrahim Rugovës. LDK më ka bërë nderë me mbështetje të jashtëzakonshme, por mbështetja përtej partiake më ka bërë më të përgjegjshëm”, ka deklaruar kreu i Gjilanit, Lutfi Haziri, për të vazhduar me zotimin për realizimin e projekteve multimilionëshe.

“Në mandatin e ri, Parkun e Paqes” që do të ndërtohet midis Malishevës dhe Gjilanit dhe iu dedikohet dëshmorëve që prej Luftës së Parë Botërore e deri më sot. Malisheva në pjesën më të madhe është integruar në zonën urbane. Pas përfundimit të shtratit të lumit “Mirusha”, do të fillojmë ndërtimin e shtratit të lumit “Stanishorka”, sikurse që do ta ndërtojmë edhe impiantin për trajtimin e ujërave të zeza dhe përfundimisht problemi me ujërat e zeza do t’i takoj historisë”, është zotuar Haziri.

Kryetari Lutfi Haziri pohoi se gjatë mandatit të ri katër vjeçar do të vazhdoj të qeverisë me duar të pastra e dyer të hapura, duke vazhduar t’ua bëjë jetën e dinjitetshme gjilanasve.

Në këtë tubim, kryetari Lutfi Haziri tha se gjatë mandatit të ardhshëm do të vendoset në vendin meritor edhe kolosi tjetër i kombit, Abdullah Tahiri./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).