Lutë cilën rrugë do ta bllokosh tani e do i befasosh qytetarët

Gjilan – Kryetar, liroje komunën nga uzurpimi yt, sepse të mungojnë edhe idetë e zhvillimit urban. Ndoshta plani yt i së ardhmes ka të bëjë me objektet banesore ku profiti është më i madh apo ndoshta ka edhe ndonjë profit edhe në këto projekte të cilat dështojnë sa hap e mbyllë sytë ka shkruar Gëzim Rrustemi nga Lëvizja “Vatra”.

Zotëri kryetar, mos luaj me rrugët duke i bërë herë njëkatëshe e herë dykahëshe, sepse ato nuk e çlirojnë komunikacionin, por e bllokojnë edhe më shumë. Deri kur me këto numra magjikë, njëherë me lagjen Dardania e tani me rrugën “Esat Berisha” (prej policisë kah “Kamniku”)? Cilën rrugë e ke në radhë që të tallesh me të? Cila rrugë do ti befasojë qytetarët kur të gjobiten nga policia, ngase në mëngjes ishte ndryshe qarkullimi e në mbrëmje ndryshe? Mozomakeq për ne me këtë qeverisje lokale, qeverisje që nuk bënë planifikim as për një javë, e lëre më për më gjatë. Mos punoni sot për nesër, nuk qeveriset komuna me “ditë e re, nafakë e re”, nuk shkojnë punët e komunës me ” del ku t’del”. Kthjelluni pak more, hulumtoni a kopjoni ndonjë model diku, e mos luani hajgare me një qytet të tërë. Gjilani nuk është park lojërash ka thënë Gëzim Rrustemi nga Lëvizja “Vatra”./rajonipress/