Luta vazhdon me punë të hajrit, përmend progres në shumë fusha?

Gjilan – Lutfi Haziri ka paraqitur raportin e punës për vitin 2016 para asambleistëve të Kuvendit Komunal të Gjilanit. Jam krenar që Gjilani ka shkaktuar progres në administratë, arsim, bujqësi e shëndetësi e resore tjera ka thënë ai.

Sa i përket arsimit, Kampusi i shkollave të mesme ka shkaktuar disiplinë dhe me zhvendosjen e shkollës së bujqësisë dhe asaj të artit, po përmbyllet organizimi i Kampusit.

Sa i përket infrastrukturës, më e rëndësishmja është se ne kemi krijuar balancë investimesh qytet-fshat. Për shembull, shikoni investimet në lagjen e “Vishnjeve” që dikur ka qenë e anashkaluar totalisht. Përveç subvencioneve të mëdha në bujqësi, ne i kemi hapur rrugët e arave për t’iu krijuar bujqve mundësi më të mira.

Ndërkaq, sa i përket buxhetit, kemi tejkalim të grumbullimit të mjeteve të tatimit në pronë për 30 për qind. Aspekt tjetër i rëndësishëm është bashkëpunimi ndërkomunal dhe Gjilani është komunë që dallon me komunat tjera në këtë aspekt. E, sa i përket bashkëpunimit me donatorët, Gjilani është komuna e parë në vend që ka arritur të realizoj partneritete me SHBA dhe shtetet e Bashkimit Europian. Pa e harru edhe njërin nga projektet më të mëdha, atë të banimit social, përmes të cilit po i zgjidhim problemet e banimit dhe strehimit. Vazhdojmë me punë t’hajrit ka thënë Luta./rajonipress/