Luta: Tubimi familjar i Fitim Gudës, më i madh se i dy partive rivale
Gjilan – Kryetari aktual i Gjilanit dhe kandidati edhe për një mandat qeverisës, Lutfi Haziri, është impresionuar sonte me tubimin familjar i organizuar nga kandidati për asamble komunale, Fitim Guda.
“Po çka me thanë këtu pos respekt dhe falënderim për këtë masovitet, të organizuar nga vetëm një familje. Një njeri që e ka mbështetjen kaq të madhe të familjes së tij, suksesin e ka të sigurtë. Ky tubim familjar i Fitim Gudës, është më i madh se i dy partive rivale. Ky është salami më i mirë se çka ka me i gjetë ata më 22 tetor”, ka thënë kryetari Haziri, derisa ka folur edhe për listën e LDK’së në përgjithësi.
“Lista e LDK’së, në përgjithësi, është listë e suksesit. Krejt ata njerëz e kanë dëshmuar veten se janë profesionistë të vërtetë në perofilet e tyre. Kjo është listë e fitores”, theksoi ai.
Haziri ka pohuar se ashtu siç e kanë ndryshuar lumin “Baja”, ashtu do ta përfundojnë edhe lumin “Mirusha”, ndërsa ka thënë se me lehtësirat që ka krijuar për bizneset, do të ketë zhvillim të hovshëm ekonomik.
“Ju e mbani mend se si ka qenë lumi “Baja” dhe qysh e kemi ndryshuar. Në këtë pjesë më nuk ka vërshime. Sikur “Bajën”, jemi në përmbyllje edhe të “Mirushës” dhe në vitin e ardhshëm do të vazhdojmë me ndërtimin e shtratit të lumit “Stanishorka”. Ne kemi krijuar lehtësira fiskale për bizneset dhe Gjilani, me qeverisjen e LDK’së, në katër vitet ardhshme do të ketë hov në zhvillimin ekonomik lokal”, ka pohuar Haziri.
Deputetja e Kuvendit, Valentina Bunjaku Rexhepi, theksoi se vota për Lutën dhe Fitim Gudën, është votë për zhvillim të Gjilanit dhe votë për mirëqenien e gjilanasve.
Kandidati i LDK’së për asamble komunale, Fitim Guda, i cili mban numrin 31, i ka falënderuar familjarët e tij për mbështetjen e madhe që i ka dhënë atij dhe kryetarit duke thënë se me këtë mbështetje, Luta do ta kryej punën me t’paren më 22 tetor./rajonipress/