Luta: Shtatë ditë e shtatë netë falënderime për gjilanasit për besimin e madh për mua dhe LDK’në

Gjilan – Lidhja Demokratike e Kosovës në Gjilan do të vazhdoj me fushatë ndryshe elektorale për balotazhin, duke organizuar tubime falënderuese për shtatë ditë e shtatë netë, në secilin fshat, lagje e lokalitet të komunës.

Kryetari aktual dhe kandidati edhe për një mandat qeverisës me Gjilanin, Lutfi Haziri, ka thënë ndihet i nderuar me besimin e madh që gjilanasit kanë treguar për të dhe LDK’në më 22 tetor, duke shtuar se ky besim do të dyfishohet më 19 nëntor.

“Prej sot janë shtatë ditë e shtatë netë të bardha për t’i falënderuar qytetarët për pjesëmarrjen në zgjedhje. Ju e nderuat Gjilanin me besim qytetar, duke e betonuar LDK’në si parti dyfish më e madhe se partia e dytë dhe mua si kandidat i juaji. Faleminderit nga zemra”, ka thënë Haziri.

Kreu i Gjilanit tha se qytetarët kanë folur fort dhe qartë më 22 tetor, duke i mposhtur funksionarët politikë.

“Ne nuk kemi nevojë për fushatë, por vetëm për t’ju falënderuar që folët kaq fort e qartë në favor timin dhe të LDK’së. Funksionarët politikë nuk mundën ta ndryshojnë besimin tuaj. Ne vazhdojmë bashkë. Mbetem Luta i Gjilanit përjetë”, ka deklaruar Haziri thuhet në njoftimin e LDK-së dega në Gjilan./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).