Luta në Uglarë : Do ta mbylli deponinë e bërllokut
Gjilan – Ju premtoj se nuk do të lejoj që kjo deponi e bërllogut që e keni afër të operoj më. Ata që keqqeverisjen, Uglarin e bënë deponi të bërllogut. Por, menjëherë pas 1 dhjetorit do ta mbyllë këtë deponi që nuk i plotëson asnjë nga kushtet që do të duhej t’i kishte. Nuk do të lejoj që mbeturinat të sillen nga qytetet tjera, ka thënë Lutfi Haziri.
Pritje jashtëzakonisht e mirë i është rezervuar sonte në fshatin Ulgarë fituesit të zgjedhjeve të 3 nëntorit, Lutfi Haziri.
Uglarasit i janë ankuar kryetarit Haziri për gjendjen e rëndë që gjendet ky fshat, pasi pushteti aziatik nuk bëri asnjë investim që kishte premtuar. Ata thanë se tashmë janë unifikuar kundër qeverisjes së keqe.
Kryetari Haziri ka falënderuar banorët e Uglarit për mikpritjen, duke konfirmuar investimet e mëdha në këtë fshat, duke filluar nga rregullimi i rrugëve, ujësjellësit, kanalizimit e ndriçimit publik, ndërsa ka ritheksuar edhe njëherë që do ta mbyllë deponinë e bërllogut që ua bëri jetën ferr atyre.
“Faleminderit shumë për mikpritjen dhe që keni ardhur edhe në këtë mot të ftohtë me borë. Ky është besim i madh dhe mund t’ju them se këtë përkrahje do t’ua kthej me investime të mëdha në Uglarë, duke filluar nga rruga, ujësjellësi, kanalizimi e ndriçimi publik”.
“Poashtu, ju premtoj se nuk do të lejoj që kjo deponi e bërllogut që e keni afër të operoj më. Ata që keqqeverisjen, Uglarin e bënë deponi të bërllogut. Por, menjëherë pas 1 dhjetorit do ta mbyllë këtë deponi që nuk i plotëson asnjë nga kushtet që do të duhej t’i kishte. Nuk do të lejoj që mbeturinat të sillen nga qytetet tjera”, tha Haziri, i cili mori duartrokitje të mëdha nga të pranishmit thuhet në njoftimin e degës së LDK-së në Gjilan./rajonipress/