Luta: Me fitoren tonë më 19 nëntor, do të fitojnë gjithë

Gjilan – Nën udhëheqjen e kryetarit të Degës LDK’së dhe Komunës së Gjilanit, Lutfi Haziri, sot janë mbajtur takime të veçanta me strukturat e partisë përfshirë kryesinë, kryetarët e nëndegëve, Forumin e Gruas, Forumin e Rinisë, listën fituese dhe komisionet profesionale.

Në këto takime është finalizuar agjenda e tubimeve falënderuese, si fushatë ndryshe për të gjitha vendbanimet, lagjet, lokalitetet dhe fshatrat e Gjilanit.

“I falënderoj të gjitha strukturat e partisë për unitetin, punën dhe angazhimin e deritanishëm. I falënderoj të gjithë qytetarët e Gjilanit për mbështetjen e madhe në garën e 22 tetorit. Në veçanti, i falënderoj gjilanasit për mbështetjen përtej partiake, pra mbështetjen qytetare. Me fitoren tone më 19 nëntor, do të fitojnë të gjithë”, ka thënë kryetari Lutfi Haziri.

Strukturat e LDK’së në Gjilan kanë rikonfirmuar mbështetjen e fuqishme, unitetin e jashtëzakonshëm dhe angazhimin e madh për ta bërë fitoren e Lutës sa më të fuqishme më 19 nëntor./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).