Lushaku: LDK nuk është parti e një njeriu, por e strukturave dhe anëtarësisë

Deputetja e zgjedhur e LDK-së, Jehona Lushaku u shpreh se Lidhja Demokratike e Kosovës nuk është parti e një individi, por e strukturave dhe anëtarësisë së saj.

“LDK nuk është parti e një njeriu. Për LDK-në flet, vendos dhe gjykon anëtarësia dhe strukturat e saj, jo emocionet e ditës të shtyera nga presioni i jashtëm. Kjo është forca jonë strukturore dhe trashëgimia jonë demokratike.”, ka shkruar Lushaku.

Ajo ka theksuar se partia sot ka nevojë për qetësi, mendje të ftohtë dhe përgjegjësi kolektive, si dhe për analizë të thellë, modernizim dhe unitet.