RCCOLA

Lumturije Shabani shkëlqen në “Kosovarja Këndon 2022”, rrëmben me plotë meritë vendin e parë

/ 2 minuta lexim

Gjilan – Këngëtarja gjilanase Lumturije Shabani është shpallur fituese e vendit të parë në festivalin e interpretimit të këngës popullore shqiptare “Kosovarja këndon 2022”, që është mbajtur në Ferizaj. Nehat Ferati nga ansambli i këngëve dhe valleve “Gjilani” ka thënë se Lumturija po na bënë krenar me arritjet e saja.

Aty ku është Lumturije Shabani, aty është suksesi, aty është gara e vërtetë për zërin e bukur, zërin artikulues e prezantim të shkëlqyeshëm në të gjitha Festivalet.

Lumturije Shabani këngëtarja gjilanasve po shkëlqen kudo që po prezantohet. Ajo ka bërë një emër të merituar në skenën kosovare. Thjeshtë ku ndodhet ajo kuptohet që dihen edhe çmimet e para.

Mobi Casa

Edhe në Ferizaj në 50 vjetorin e Festivalit të këngës popullore shqiptare “Kosovarja Këndon 2022”, këngëtarja gjilanase Lumturije Shabani-Taria, triumfoi duke e rrëmbyer vendin e parë.

“Në emër të Ansamblit të Këngëve dhe Valleve “Gjilani” i urojme shëndet e shumë suksese tjera Lumturijes, që gjithmonë na bën krenar me arritjet e sajë. Jemi me fat që je një nder ne, gjithashtu faleminderit për kontributin tënd që po i jep këngës së mirëfilltë shqipe. Urojmë që karriera juaj të arrij kulminacionin duke na bërë krenar gjithmonë artistet gjilanas, por edhe qytetarët e Gjilanit në përgjithësi” ka shkruar Nehat Ferati./rajonipress/