Hidromorava

Lulzim Esatin e kërkojnë për imam

/ 2 minuta lexim

Gjilan – Avni Daku nga Këshilli organizativ i protestës tha se xhemati i lagjes “Dardania” nuk e njeh për imam Shaban Muratin.Ne kërkojmë Lulzim Esatin imam në këtë xhami si një figurë e pranueshme për të gjithë.

Protesta e xhematit në lagjen “Dardania” ka kaluar e qetë dhe është zhvilluar në hapësirat e xhamisë. Besimtarët e kësaj xhamie edhe pse koha me vapë kanë shprehur qëndrimin e tyre ndaj propozimit të fundit të Bashkësisë Islame në Prishtinë.

Avni Daku nga Këshilli organizativ i protestës tha se xhemati i lagjes “Dardania” nuk e njeh për imam Shaban Muratin të propozuar nga Naim Tërnava. “Ne kërkojmë Lulzim Esatin imam në këtë xhami ,si një figurë e pranueshme për të gjithë” tha Daku.

Fundamenti

Në pankartat e protestuesve shkruante:”Xhemati i imamit,apo imami i xhematit”,”Kujt i jep llogari kreu i BIK” etj. Edhe protestuesit Ramadan Shkodra ,Hajriz Aliu e Isuf Aliu thanë se janë ndier të fyer me propozimin e BIK-ut. “Nuk dëshirojmë imam të huajin, sepse ne i kemi njerëzit tanë që kanë punuar natë e ditë që kjo xhami të duket kështu siç është sot “ u shpreh Shkodra.

Protesta ka kaluar e qetë ndërsa nuk ka pasur prononcime të krahut të Mustafë Bajramit rreth akuzave dhe kërkesave të këshillit organizativ. Edhe policia e ka vëzhguar protestën.

Ndryshe ,Avni Daku tha se qëllimi i protestës ishte sensibilizimi i opinionit lidhur me vendimet e njëanshme të strukturave të BIK-ut në Prishtinë. Daku ka thënë se nga kjo protestë do të sensibilizohet publiku me shkeljet e vullnetit të xhematit si dhe me shkeljet e procedurave të institucionit të BIK-ut nga vet vendimmarrësit./rajonipress/