Përplasjet e fundit në mes kryetarit të PDK-së, Hashim Thaçit dhe atij të LDK-së, Isa Mustafa, për “fatin” e presidentes së vendit Atifete Jahjaga, kanë për qëllim konsumin e brendshëm dhe si të tilla nuk do të ndalen deri sa njëri nga ta të tërhiqet nga qëndrimi i tij.
Cilido që do të tërhiqet me të drejtë do të mund të cilësohet si “humbësi i vitit”, ndërkaq, nuk do të shpëtojë nga pasojat e mëdha brendapërbrenda subjektit të tij politik, shkruan “Zëri”.
Analistët politikë thonë se ashpërsimi i fjalorit të Thaçit e Mustafës kundrejt njëri-tjetrit është tërësisht përpjekje për ta mbajtur elektoratin “gjallë” dhe jo për parime.
Ndërkaq drejtuesit e PDK-së dhe LDK-së e mohojnë këtë.
