Uji Dea

Lucern: Dënohet me nëntë vjet burgim tregtari shqiptar i drogës

/ 3 minuta lexim
Mobi Casa

Sipas aktakuzës, ai ka marrë 82 kilogramë përzierje kokaine në Reiden (LU) dhe e ka shitur atë për një periudhë gjashtëmujore.

Kreu që për Zvicrën i një rrjeti shqiptar të trafikut të drogës është dënuar me nëntë vjet burgim nga Gjykata Penale e Luzernit. Sipas aktakuzës, 37-vjeçari në vitin 2020/21, ka marrë 82 kilogramë përzierje kokaine në Reiden (LU) dhe për një periudhë gjashtëmujore e ka ndarë dhe e ka shitur atë në rrjete të tjera droge, transmeton albinfo.ch.

Sipas aktgjykimit të publikuar të enjten, gjykata penale e shpalli fajtor të akuzuarin për trafik kokaine, pastrim parash dhe qëndrim të paligjshëm në Zvicër. Personi në fjalë ka kryer tashmë një të tretën e dënimit. Ai gjithashtu do të dëbohet nga vendi për dymbëdhjetë vjet.

Dënimi që ka shpallur gjykata është pak më i ulët se ai që kishte kërkuar prokuroria, e cila kishte argumentuar dënimin me dhjetë vjet dhe dëbim nga vendi për 15 vjet. Gjykata pra ka liruar të akuzuarin sa i përket akuzës për trafik heroine, shkruan derbund.ch. Gjatë arrestimit, policia kishte gjetur përveç 100 mijë frangave cash dhe 2.4 kilogramë kokainë edhe 49 gramë heroinë, transmeton albinfo.ch. Nga mund të kishte ardhur kjo, mbeti e paqartë në procesin gjyqësor.

Avokati mbrojtës kishte kërkuar një dënim shumë më të lehtë prej 6.5 vjetësh. Ai e arsyetoi këtë me rrëfimin e plotë të klientit të tij se kishte marrë mbi vete një rrezik të konsiderueshëm.

ARKATANA

I akuzuari kishte hyrë në borxhe në bastet sportive në Shqipëri, pastaj kishte marrë një ofertë nga pronari i basteve për të punuar tek ai si shpërndarës droge në Zvicër. Në gjashtë muaj ai kishte bërë 3.5 milionë franga me shitjen e drogës. Ai merrte 3000 franga në muaj si rrogë.

I akuzuari nuk kishte autoritet vendimmarrës dhe duhej të bënte gjithçka me udhëzime telefonike nga shefi i tij, përcjell albinfo.ch. Prokurori publik shpjegoi se ai ishte organizatori i rrjetit të drogës në Zvicër dhe furnizonte pjesë të mëdha të Zvicrës me kokainë.

Para arrestimit, i akuzuari është vëzhguar nga afër. Sipas mbrojtjes, banesa e tij ishte përgjuar. Shpenzimet procedurale që i akuzuari duhet të përballojë kapin shifrën e gati 260 mijë frangave.

Vendimi nuk është ende i plotfuqishëm.