Lori agjëron tash e 10 vjet

Mund t’u duket e habitshme, por Loreta Kaçka – Lori, agjëron muajin e bekuar të Ramazanit për tashmë 10 vite.

Gjatë një prononcimi për Kosova Sot, këngëtarja nga Shqipëria është shprehur se ndjehet shumë mirë gjatë këtyre ditëve, dhe jo për ndonjë arsye tjetër, por pikërisht për shkak të agjërimit.

Bukuroshja ka thënë se ajo po kalon një agjërim të lehtë në këtë muaj të veçantë për besimtarët e fesë islame, edhe pse i duhet të qëndrojë pa ngrënë e pa pirë, dhe pa ngacmuar epshin nga agimi deri në muzg (rreth 17 orë në ditë).

Duket se kjo është mënyra se si Lori e falënderon Zotin për të gjitha të mirat dhe sukseset që i ka dhënë, e edhe për këto ditë verore kur ajo fiton më së shumti nëpër dasma dhe ahengje.