Lojërat e fatit dhe dukurit negative e shqetësojnë Arifin

Gjilan – Nexhmedin Arifi tha se edhe për komunën e Vitisë mbetën shqetësuese rastet e shtimit dukurive negative dhe ju bëri thirrje të gjitha mekanizmave ,por edhe qytetarëve që të jenë syçelë dhe aktiv në parandalimin e këtyre dukurive që bëjnë degjenerimin e qytetarëve.

Kryetari i Komunës së Vitisë Nexhmedin Arifi tha se për kundër gjendjes së mirë të sigurisë në këtë komunë institucionet lokale të Vitisë janë përpjekur që me projektet e ndryshme të ofroj një jetë sa më të mirë për qytetarët vitias, por edhe të sigurt ai tha se në kuadër të projekteve komunale në fushën e infrastrukturës rrugore Komuna ka bërë përpjekje qe me rregullimin e trotuareve të rritet siguria në Komunikacion.

Këto komente Arifi i bëri në mbledhjen e Këshillit Komunal për Siguri në Bashkësi ku tha se gjendje e sigurisë në Komunën e Vitisë është e qetë ,stabile dhe nënë kontroll.

Arifi tha se edhe për komunën e Vitisë mbetën shqetësuese rastet e shtimit dukurive negative dhe ju bëri thirrje të gjitha mekanizmave ,por edhe qytetarëve që të jenë syçelë dhe aktiv në parandalimin e këtyre dukurive që bëjnë degjenerimin e qytetarëve.

Ai mandej tha se një problem tjetër në shoqërinë vitiase janë edhe lokalet ku zhvillohen lojërat e fatit, por theksoi se këtë çështje e rregullon ligji ,por se Institucionet Shtetërore, Organizatat e ndryshme dhe vetë qytetarët duhet të ndikojnë në vetëdijen e qytetarëve.

Ndërsa Komandanti i Stacionit Policor në Viti Afrim Halili pasi e bëri vlerësimin e gjendjes së sigurisë në këtë komunë si të qetë dhe stabile tha se policia e Kosovës në Viti është duke bërë përpjekje të vazhdueshme që të ju dal në ndihmë qytetarëve, por kërkoj që për këtë ta kenë edhe mbështetjen e qytetarëve.

Ai tha se Policia e Kosovës në Viti ka hartuar një plan operativ për rregullimin e parkingjeve e cila do të fillon se zbatuari së shpejti. Halili përmendi edhe disa probleme të tjera me të cilat mund të hasën policia në Viti në sezonin veror si me rastet e zjarrit,dasmave,fluksin e mërgimtarëve etj.

Ndërsa anëtarët e këtij këshilli debatuan edhe rreth vështirësive të tjera të cilat ndërlidhen me çështjen e sigurisë si gjendja jo e mirë të rrugëve magjistrale, përdorimit të narkotikëve etj./rajonipress/

Shpërndaje.
© RAJONIPRESS