Lirohet nga detyra Abdylaziz Selmani, vjen përkohësisht Bashkim Halabaku

Gjilan – Bordi i Kompanisë publike “Hidromorava” ka liruar nga detyra me kërkesën e tij ushtruesin e detyrës së kryeshefit në këtë kompani Abdylaziz Selmani dhe në vend të tij ka emëruar përkohësisht u.d. Bashkim Halabakun tha për rajonipress Abdyl Hasani kryetar i bordit.

Në kompaninë publike “Hidromorava” sërish kanë ndodhur ndryshime. Bordi i Kompanisë që kryesohet nga Abdyl Hasani ka pranuar kërkesën e Abdylazis Selmanit i cili ishte u.d. në këtë kompani për ta liruar nga kjo detyre për shkak të disa problemeve të tija personale raporton rajonipress.

Abdyl Hasani tha për rajonipress se Abdylaziz Selmani (në foto) është liruar nga kjo pozitë me kërkesën e tij dhe kthehet në vendin e mëparshëm si zyrtar financiar. “Nuk është shkarkim apo diçka tjetër, thjesht ai ka kërkuar që të lirohet nga kjo detyrë për shkak të angazhimeve të tij që ka në familje” tha Hasani.

Hasani tha se tani në këtë pozitë të përkohshme është caktuar u.d. Bashkim Halabaku ndërsa ne jemi duke u marrë ende me konkursin për kryeshef në këtë kompani i cili është i hapur edhe 15 ditë të tjera tha Hasani./rajonipress/