Liridon Zeqiri e nis me fitore

Liridon Zeqiri e ka nisur në mënyrën më të mirë kampionatin botëror duke shënuar fitore në ndeshjen e parë përballë nigerianit Joseph Oto.Në duelin e parë boksieri kosovar Lirdon Zeqiri, arriti fitore kundër boksierit nga Nigeria Joseph Oto.

Pas tri meçeve dominim nga Zeqiri, ai arriti të fitojë pas vendimit unanim të jurisë duke u shpallur fitues i duelit të parë në Kampionatin Botëror.

Të mërkurën në ring do të paraqiten boksierët në kategorinë 69kg, ku Kosova do të përfaqësohet nga boksieri Arian Gashi, i cili do të përballet me Narua Deireragea Joseph.

Ndërsa në kategorinë 81kg Armend Xhoxhaj, do të përballet më 20 Tetor, kundër boksierit nga Bullgaria Radoslav Pantaliev, i cili vitin e kaluar ishte fitues i turneut ‘Adem Jashari’.

Por Xhoxhaj muajin e kaluar në Kazakistan në kampin e zgjedhur nga AIBA, ishte boksieri më në formë. Kosova është shteti më i ri pjesëmarrës në këtë kampionat botëror.