Lira: Luaja futboll fshehtas prindërve

Fatmire Bajramaj, futbollistja shqiptare e cila ka fituar kampionatin botëror në futboll me përfaqësuesen e Gjermanisë, thotë se hapat e parë në këtë sport ajo i ka fituar duke luajtur “fshehurazi” në një skuadër djemsh.

Lira, siç thirret shkurt futbollistja, për dy vjet kishte luajtur fshehtas babait së bashku me vëllain e saj Flakronin dhe shokët e shkollës, para se si 16-vjeçare të fillojë karrierën me një kontratë profesionale te Duisburg.

“Babai nuk e ka ditur, sepse unë luaja fshehurazi me djemtë në një ekip. Dikur më është dashur një nënshkrim, por babai thoshte: jo çika jem, se nuk është futbolli për çika. Ti më mirë merru me vallëzim, apo diçka tjetër”.

“Por një herë ka ardhur babai dhe kur më ka parë se si luaj, i ka pëlqyer dhe më lejoi të merrem me futboll. Sot mezi pret të shikojë lojërat e mia”, citohet të ketë thënë Fatmirja për Shekulli.

Shpërndaje.
© RAJONIPRESS