Limaj: Vendi ka nevojë për një qeverisje ndryshe

Limaj gjatë këtij takimi ka thënë se vendi ka nevojë për një qeverisje ndryshe, mendim ky që lidhet me misionin e subjektit Nisma për Kosovën.

Kryetari i Kryesisë së Nismës për Kosovën, Fatmir Limaj, sot ka pritur në takim Ambasadorin e Norvegjisë në Kosovë, Jan Braathu, me të cilin ka bashkëbiseduar për zhvillimet aktuale politike në vend.

Limaj e ka njoftuar Ambasadorin Braathu për gjendjen aktuale politike në vend.

Sipas një njoftimi të Nismës, Limaj dhe Ambasadori norvegjes, Jan Braathu, kanë folur edhe për krijimin e institucioneve të reja të Kosovës, dhe të dy janë pajtuar dhe kanë theksuar nevojën që ky proces të përfundoj sa më shpejtë, për faktin se vendi ka nevojë për formimin e institucioneve të reja.

Limaj gjatë këtij takimi ka thënë se vendi ka nevojë për një qeverisje ndryshe, mendim ky që lidhet me misionin e subjektit Nisma për Kosovën.

Gjatë këtij takimi u diskutua edhe për vazhdimin e dialogut, për të cilin u tha se duhet të vazhdoj dhe të bëhet implementimi sa më i shpejtë i marrëveshjeve, me qëllimin që rezultati i këtij dialogu të sjell normalizimin e raporteve Kosovë – Serbi.