Limaj: Të shkojmë në Podgoricë për demarkacionin

Kryetari i Nismës për Kosovën, Fatmir Limaj, ka thënë se duhet të shkohet në Podgoricë për të gjetur një zgjidhje për demarkacionin.

“Janë 1 milion raste kur Qeveria bën një marrëveshje e kur nuk ia pranon Parlamenti atëherë kjo marrëveshje nuk është funksionale. E Parlamenti i Kosovës thotë këtë gjë, të rrëzohet duke shkuar në Podgoricë e të tregohen arsyet pse marrëveshja nuk është në rregull. Nëse Mali i Zi thotë se nuk jemi të gatshëm të negocojmë atëherë të shkojmë në arbitrazh. Evropa po kërkon një përgjigje prandaj të dërgohet në Parlement e të votohet”, ka thënë Limaj në Tribuna Channel.

Ndërkaq, ai ka shprehur bindjen se opozita i fiton zgjedhjet e ardhshme.

Limaj ka thënë se nesër ose pasnesër do të procedohet në Kuvend mocioni i mosbesimit ndaj qeverisë Mustafa.

“Nuk besoj se mund të kemi seancë nesër por mund të them por nesër pasnesër mund të procedohet. Këto ditë janë vendimtare nëse do të shkohet a jo në zgjedhje. E në këtë mënyrë Kuvendi ka 5 ditë kohë për ta proceduar”, ka thënë Limaj.