Limaj: Qëllimi u arrit, të ndërpriten protestat

Kryetari i Nisma për Kosovën Fatmir Limaj tha se me shkarkimin e ministrit Jabllanovic qytetarët realizuan njërën nga kërkesat për të cilat protestuan. Tha se një zhvillim i tillë është i mjaftueshëm për ndërpritjen e protestave. Kërkoi që Qeveria sa më shpejt të sjell në Parlament Ligjin për Trepçën.
Deklarata e plotë e Limajt:

Të nderuar anëtar dhe simpatizantë të NISMA për Kosovën, ju shprehi mirënjohjen për pjesëmarrjen e juaj aktive në të dy protestat e kaluara duke u solidarizuar me qytetarët e vendit.

Protestat dhe kërkesat e drejta sollën deri në ralizimin e njërës nga kërkesat, shkarkimin e ministrit Jabllanoviq. Ky është një zhvillim pozitiv dhe i mjaftueshëm që të ndërpriten protestat për ti dhënë rast qeverisë që sa ma shpejt të kthej ligjin për Trepçën në parlament dhe kështu të përmbushet dhe kjo kërkesë e juaja.

Ju falenderoj edhe njëherë JU të gjithë anëtarët dhe simpatizantët e NISMA për Kosovën për kontributin dhe angazhimin e dhënë në realizimin e kësaj kërkesë.

FL