Limaj: Nuk jam takuar me Hashim Thaçin, mos spekuloni
RajoniPress
23:31, 13 Janar, 2014
Ditorja Lajm shkruan në portalin e saj se “në një mbledhje të Grupit Parlamentar të PDK-së ka marrë pjesë edhe deputeti Fatmir Limaj” dhe se këtë mbledhje e ka drejtuar vetë kryetari i partisë, Hashim Thaçi.
Sipas kësaj ditoreje, pas përfundimit të kësaj mbledhjeje Thaçi dhe Limaj kanë pasur takim kokë më kokë në njërën nga zyrat e PDK-së në Kuvendin e Kosovës.
“Është folur se Thaçi e Limaj kanë pasur disa takime përmes të cilave kanë arritur të gjejnë një marrëveshje që Fatmir Limaj të kthehet në PDK”, shkruan gazeta.
Ndaj këtij shkrimi ka reaguar Limaj përmes rrjetit social Facebook. Ai thotë se për aktivitetin dhe angazhimet e tij është ai që njofton opinionin.
“Prandaj, me mirësjellje i kisha lutur të gjitha mediat që mos të spekulojnë me emrin tim”, ka shkruar Limaj.
“Si edhe çdo here tjeter, per te gjitha takimet qe kane te bejne me aktivitetin dhe angazhomet e mija politike, do te je, une ai qe do t’ju njoftoj”, shkruan Limaj.
“Prandaj me miresjellje i kisha lutur te gjitha mediat qe mos te spekulojne me emrin tim”.
Ndryshe, Fatmir Limaj ende nuk ka thene asgje per oferten qe PDK i ka bere atij qe te kthehet ne partine e dikursheme, nderkohe qe per kete pune kane folur pothuajse krejt anetaret e Kryesise se kesaj partie./telegrafi/express/
