Limaj: Kosova së shpejti do t’i ketë institucionet

Deputeti i Kuvendit të Kosovës nga Nisma, Fatmir Limaj ka thënë se vendi duhet të ketë një shumicë parlamentare.

“Sido që të jetë vendi duhet me pas një shumicë parlamentare. Nisma e ka ofru një mundësi që ne besojmë me qenë të përgjegjshëm për faktin se vendet duhet me pas institucione. Partitë politike në fund të ditës japin përgjegjësi për vete”, tha Limaj.

Ai shtoi se Kosova shumë shpejt do të ketë institucionet e veta.

“Përkushtimi i të gjithëve besoj që është për të ndërtuar institucionet, dhe për këtë duhet të ndërtohet një shumicë parlamentare. Derisa nuk ka ndryshim të gjendjes sjellja jonë parlamentare mbetet e njëjtë”, tha Limaj. /Telegrafi/