Limaj: Do të vazhdojmë me protesta

Kryetari i Kryesisë së Nismës për Kosovën, Fatmir Limaj, ka thënë se opozita nuk do të ndalet, por do të vazhdojë sërish me protesta.“Do të vazhdojmë me protesta”, ka deklaruar Limaj në emisionin ‘Click’ në RTV21.

Por, Limaj nuk ka treguar se kur do të mbahet protesta e radhës. “Format e kundërshtimit do të vazhdojnë, por datë të protestës nuk ka”, është shprehur ai.

Ai ka folur edhe për përçarjen e partive opozitare, duke thënë se ndarja e rrugëve ka ndodhur për shkak të dallimeve mes partive.

“E pamë që ka dallime, dallime që nuk u tejkaluan. Ne, AAK dhe Nisma, kemi besuar që mund ta ndërtojmë një koalicion parazgjedhor”, ka thënë Limaj.

Ai ka shtuar se dera është e hapur për të gjithë ata që mendojnë në këtë drejtim.