Licencimi i infermierëve, pas konstituimit të odave

Infermierët kosovarë do të kenë mundësi të licencohen tek atëherë kur të themelohen odat e infermierisë. Lirije Beqiri, shefe e infermierisë në QKUK, thotë se odat e infermierisë do të kenë një rol të rëndësishëm në monitorimin e zbatimit të standardeve profesionale. Sipas saj, shtimi i stafit së infermierisë është shumë i nevojshëm në Qendrën Klinike Universitare të Kosovës.

Edhe pse Qendra Klinike Universitare e Kosovës (QKUK) ka rritur numrin e shërbimeve siç është kardiokirurgjia, onkologjia dhe shërbime tjera, numri i infermiereve në QKUK nuk është rritur.

Në një intervistë për gazetën Tribuna, drejtoresha e infermierisë së QKUK-së, Lirije Beqiri, ka thënë se kjo është bërë pengesë, sepse në shumë raste janë detyruar të marrin infermiere nga klinikat tjera dhe t’i dërgojnë në shërbimet e reja, duke zvogëluar dukshëm numrin e tyre nëpër reparte.

Beqiri beson se themelimi i odave të infermierisë do të ketë një rol të rëndësishëm në monitorimin e zbatimit të standardeve profesionale, përfshirë edhe licencimin e infermierëve…(Tribuna).