Libri erotik thyen rekord,kalon dhe ‘Kodin e da Vinçit ’

Libri “Pesëdhjetë hijet e grisë” i autores E.L James ka thyer rekord, duke shitur më shumë se një milion kopje në 11 javë. Romani erotik, i pari i një trilogjie, ka thyer kështu rekordin e mëparshëm, që mbahej nga libri “Kodi i Da Vinçit”.

Sipas BBC, libri po ashtu ka thyer edhe rekordin për më shumë shitje në një javë, plot 397.625.

Libri deri më tani është i 32-ti në librat më të shitur që kur nisën rekordet në vitin 1998.

Publikuesi Random House tha se nuk është në gjendje të konfirmojë sa është momentalisht shitja e e-librave, por shtoi se janë pak a shumë në atë nivel sa shitjet e librave të printuar.

Amazon bëri me dije të martën se e- libri ka kaluar 1 milion kopje.

Por sa i përket e-librave, rekordin për më shumë shitje në një javë e mban Dan Brown me “Simboli i humbur”, që ka shitur 550.964 kopje.