“Libero”: Tare, magjistari i Lazios

Është Igli Tare “bomberi” i vërtetë i Lazio-s. E përditshmja italiane “Libero” i kushton një artikull të gjatë ish sulmuesit të Kombëtares Shqiptare, sot Drejtor Sportiv i Lazio-s, ku evidenton vlerat e tij duke i dhënë meritën kryesore të ndërtimit të një skuadre të suksesshme dhe perfekte në raportin cilësi-cmim te Lazio.

“Libero” kujton se 7 vjet më parë Drejtori Sportiv i Lazio-s, ishte Sabbatini që sot konsiderohet një “guru” i merkatos, por kur presidenti Lotito zgjodhi që t’i jepte këtë rol, Tares, që ishte në vitin e fundit të kontratës si futbollist, sulmuesi shqiptar të cilit karakteri dhe personaliteti nuk i kanë munguar kurrë, nuk u tremb nga trëshëgimia e rëndë por u diplomua me rezultate të shkëlqyera dhe fillo punën, shkruan ss.

Duke nisur nga ai që “Libero” e quan “molla e kalbur” Zarate, e deri tek goditjet Hernanes, Candereva e Marcheto, Tare vuri në dispozicion të klubit aftësitë e tij si poliglot, (flet 6 gjuhë të ndryshme) si dhe kontaktet personale, jo rastësisht Klose ish shok skuadre i shqiptarit te Kaiserlslautern zgjodhi bardhekaltërit. Gjithsesi “Libero” nënvizon se goditjet prej gjeniu, Tare i ka realizuar në vitin e fundit kalendarik, askush nuk harron blerjet e dy verave më parë, Biglia e Anderson që në total kushtuan 16 mln Euro, por përforcimet e tjera, De Vriij 6.5 mln, Parolo 4.5 mln, Basta 5 mln e Djordevic i marrë me parametra zero ndërtuan boshtin kurrizor të skuadrës së Piolit. Këtë verë te Lazio shkuan Milinkovic-Savic dhe Kishna që Tare e mori për vetëm 4 mln Euro.

Me një strateg si Tare, Lazio ka shpenzuar vetëm 30 milionë Euro në dy merkatot e fundit verore, kundrejt 140 mln të shpenzuara nga Roma, 160 milionëve të Juves apo 110 të Milanit. Por nuk mbaron këtu pasi forca e Lazio-s janë të rinjtë dhe jo rastësisht skuadra bardhekaltër ka skuadrën më të re në krahasim me rivalët e Serinë A për mesataren e moshës, si dhe një ekip 21-vjecarësh që prej tre vitesh kryeson në këtë kategori në futbollin italian. Ndërsa konfiguron formacionin kundër Leverkusen, “Libero” nuk harron të theksojë se edhe portieri Etrit Berisha është një zbulim i Tares që “Libero” e cilëson një magjistar të merkatos që mund të rezervojë edhe një surprizë të fundit në këtë merkato vere./Indeksonline/