Liberalizimi i vizave rrezikohet nga migrimi ilegal

Bashkimi Evropian mund ta zvarrisë edhe për një vit tjetër marrjen e çfarëdo vendimi pozitiv për liberalizimin e vizave për shtetasit e Kosovës. Një zvarritje e tillë, sipas burimeve të gazetës, po vjen si rrjedhojë e rezervave të disa vendeve anëtare për shkak të frikës nga fluksi i migrimeve ilegale nga shteti me popullatën me të re, por edhe numrin e madh të të papunëve.

Një mision faktmbledhës i Komisionit Evropian ka qëndruar javën e kaluar në Kosovë, por pavarësisht që ishin ndarë relativisht të kënaqur me shumicën e punëve që institucionet kishin kryer si plotësim i kritereve teknike, megjithatë në nivelin politik, sipas të njëjtave burime, nuk ka një konstatim pozitiv për Kosovën.

Migrimet ilegale dhe azilkërkuesit, merren si preteksti kryesor i zvarritjes së vendimit edhe për një vit tjetër për Kosovën, kanë thënë këto burime. Nga niveli teknik, faktmbledhësit evropianë qëndruan javën e kaluar për herë të dytë në vendin tonë. Një vizitë paraprake ata patën realizuar edhe në tetor të vitit 2012. Kurse vizita e tretë, do të duhej të realizohej në fillim të vitit të ardhshëm…(Tribuna).