Lëvizja “Vatra” vizitoi klubin e karatesë “Elita”

Gjilan – Lideri i Lëvizjes “Vatra dhe kandidati për kryetar komune, Sejdulla Kadriu së bashku me disa nga kandidatët për këshilltar komunal dhe anëtarë të kryesisë vizituan klubin e Karatesë “Elita” të Gjilanit. Delegacionin e Lëvizjes “Vatra” e pritën trajnerët: Reshat Halili. Bashkim Byqmeti dhe Xhevat Shala. Ata, delegacionin e Lëvizjes “Vatra” e njoftuan me kushtet e rënda të punës.

Mungesa e financimit nga institucionet komunale për zhvillimin e këtij sporti, vazhdon të jetë preokupim i madh sidomos, problem permanent është ngrohja e sallës gjatë dimrit derisa ushtrojnë karateistët e rinj.

Lideri i “Vatrës”, premtoj se prioritet për ne është rina edhe e në kuadër të kësaj edhe klubet e karateistëve do të ndihmohen me të gjitha mundësitë që na ofrohen.

Lëvizja “Vatra” do të bëjë më te mirën të mundshme për ngritjen e kapaciteteve të klubeve të karateistëve dhe stimulin e tyre, duke ua kthyer dinjitetin sporteve në Gjilan.

Në një atmosferë të ngrohtë , kryetari Sejdulla Kadriu, në fund u urojë karateisteve të rinj suksese të mëtutjeshme./rajonipress/