Lëvizja Qytetare “Vatra” e gatshme për zgjedhjet parlamentare

Gjilan – Ne si lëvizje tani më kemi përgatitur të gjitha nëndegët dhe strukturën e Lëvizjes për të qenë pjesë e zgjedhjeve Parlamentare të 11 Qershorit. Tani më kemi edhe kandidatët potencial me të cilët besojmë se do të arrijmë të marrim mandate në Parlamentin e Republikës së Kosovës thuhet në njoftimin e Vatrës.

Ftojmë qytetarët të na bashkohen në këtë rrugë të drejtë, e cila ka për mision faktorizimin dhe integrimin e qytetarëve brenda Institucioneve të Republikës së Kosovës.

Këtë herë Lëvizja Qytetare ”Vatra”, është më e përgatitur se kurdo herë më parë, ka kuadro, strukturë të mirë, nëndegë aktive si dhe mbi 500 aderime që nga Qershori i vitit të kaluar. Besojmë se do të fitojmë sepse me punë të ndershme dhe seriozitet, kemi fituar besimin e qytetarëve si asnjëherë më parë.

Ne ftojmë qytetarët të na besojnë votën e tyre dhe të i votojnë bijat dhe bijtë e tyre, e jo kandidat të huaj të cilët ju shohin si hambarë i votave,e asnjëherë ndryshe. Kjo tashmë është dëshmuar për 18 vite. Nuk do të ketë fillim të ri me njerëz të vjetër. Fillimi i ri do të jetë vetëm me gjeneratën e re thuhet në njoftimin e zëdhënësit Fikri Mehmeti./rajonipress/