Lenjani viziton vendlindjen, mbulohet me flamurin Kuqezi

Ermir Lenjani po i kalon pushimet në Kosovë, pas angazhimeve të shumta që kishte gjatë vitit. Futbollisti kosovar i ka postuar në Facebook disa fotografi, ku shihet duke e vizituar qytetin e tij, Kamenicën, ndërkohë që mbulohet nga një flamur kuqezi.

“Ishte e mrekullueshme për mua që ta kaloj një ditë në qytetin tim, në Kamenicë. Falënderoj kryetarin e Komunës, Begzat Sinanin për mirënjohje si dhe të gjithë të pranishmit. Pa përkrahjen tuaj unë nuk do të isha ku jam sot, prandaj faleminderit nga zemra qyteti im dhe njerëzit e mi. Ju dua”, ka shkruar përfaqësuesi shqiptar.