Lenjani: Pa prezencën e KFOR-it dhe policisë vendore është e pamundur të jetohet në brezin kufitar

Kamenicë – Selver Lenjani në emer të Bashkësisë Lokale të Karaçevës së Poshtme u ka ndarë mirënjohje KFOR-it amerikan dhe Policisë së Kosovës, siç ka thënë ai për kontributin e madh dhe të pazëvendësueshëm që ata japin për banorët e brezit kufitar.

Selver Lenjani këto mirënjohje i ka ndarë për nder të 28 nëntorit ndërsa ka falënderuar të gjitha institucionet e sigurisë vendore e ndërkombëtare për ndihmën e madhe që ata japin për të pasur një ambient të qetë në brezin kufitar.

“Pa prezencën e KFOR-it dhe policisë vendore është e pamundur të jetohet në brezin kufitar, andaj nga zemra i falënderojmë NATO, KFOR-in amerikan dhe Brukselin që kujdesen për fshatrat kufitare” tha Lenjani për rajonipress.

Lenjani thotë se edhe Policia e Kosovës ka qëndruar përherë afër kërkesave të banorëve lokal, duke treguar solidaritet e angazhim profesional të nivelit evropian./rajonipress/