Lenjani: Karaqeva dhe Zahirajt nuk guxojnë të harrohen

Gjilan – Selver Lenjani thotë se Lutfi Haziri dhe Qëndron Kastrati për asnjë moment nuk duhet ta harrojnë kontestin kufitar me Serbinë. Karaqeva dhe lagja e Zahirajve duhet të jenë të pranishme në çdo takim të dy niveleve të larta shtetërore.

Selver Lenjani thotë për rajonipress se ndonëse problemi kufitar është më shumë çështje e nivelit qendror, megjithatë Karaqeva dhe Zahirajt duhet të jenë të pranishme në çdo tavolinë të bisedimeve të niveleve të larta shtetërore. “Luta po e kërkon Luginën dhe nuk e kam të qartë pse asnjëherë se përmend kontestin me lagjen e Zahirajve. Zahirajt gjithmonë i kanë takuar Gjilanit dhe tani kur duhet të sensibilizohet ky problem, politikanët e Anamoravës po heshtin” shprehet Lenjani.

Lenjani thotë se Qëndron Kastrati dhe Lutfi Haziri për asnjë moment nuk duhet ta harrojnë problemin e Karaqevës dhe të Zahirajve./rajonipress/