Lenjani: Institucionet mund ta harrojnë problemin e Karaqevës, por jo edhe banorët

Gjilan – Selver Lenjani thotë se viti 2019 ka qen shumë i rëndë për banorët e Karaqevës sepse brezi kufitar është përballur me një situatë të palakmueshme. Edhe pse situata ishte e rëndë askush nga institucionet nuk është marrë seriozisht me problemin e brezit kufitar thotë ai.

Selver Lenjani përfaqësues i fshatit Karaqevë është ndier i zhgënjyer me të gjitha nivelet e institucioneve kosovare, sa i përket problemit dhe kontestit kufitar të fshatit Karaqevë.”Vendosja e tabelave nga ana e KFOR-it, pastaj provokimet e xhandarmërisë serbe, mos investimi në brezin kufitar dhe asnjë seancë e mbajtur enkas për kontestin kufitar, janë disa arsye që ne të jemi të zhgënjyer dhe të anashkaluar” shprehet Lenjani.

Lenjani thotë se institucionet mund ta harrojnë problemin e Karaqevës, por jo edhe banorët e saj.”Banorët e brezit kufitar janë të vendosur që të qëndrojnë përballë kërkesave të tyre dhe më gëzon fakti që ata janë shumë të vendosur që mos t`i braktisin shtëpitë e tyre, me asnjë çmim” tha Lenjani.

Lenjani edhe njëherë kërkon nga të gjitha institucionet e vendit që ta trajtojnë me seriozitet dhe shpejtësi kontestin kufitar i cili banorëve të mbetur po u shkakton telashe të shumta./rajonipress/