Lëngu i shalqirit, ilaçi kundër dhimbjeve muskulore

Kush ka thënë se shalqiri është një frutë që nuk sjell ndonjë të mirë në trupin tonë? Ja çfarë thotë një studim i ri në lidhje me të.

Shalqiri është një frutë që në të vërtetë sjell shumë të mira për trupin tonë. Edhe pse i varfër me kalori, ai përmban antioksidues, vitamine A, C dhe B6.

Sipas studiuesve te Universitetit te Cathalogne-s në Spanje, ky frutë ndihmon mjaft për të larguar dhimbjet muskulore në të gjitha pjesët e trupit.

“Citrulina është një lloj acidi i rrallë që gjendet tek shalqiri dhe deri me sot nuk ka qenë shumë i studiuar. Vlerat e tij janë të shumta ,” thonë studiuesit.

Rezultatet kanë treguar se personat që pinin lëng shalqiri para seancave të sportit nuk kishin dhimbje dhe ndiheshin më në formë sesa ata që nuk kishin pirë.